Þróttur tók á móti Stjörnunni  laugardaginn 25. febrúar. Búast mátti við jöfnum og spennandi leik. Þróttarstelpurnar tóku hins vegar af öll tvímæli strax í upphafi um hvort liðið væri sterkara. Þróttur vann 25:10, 25:14 og 25:12 og Stjarnan sá aldrei til sólar í leiknum.
       Stjarnan var slegin útaf laginu í upphafi með firnagóðri vörn hjá Þrótti. Ég taldi 6 mjög góð smöss Stjörnustúlkna sem Bobba varði fyrri part fyrstu hrinu og var hreint ekki hætt. Góður varnarleikur Þróttar var því grunnurinn að góðum sigri, fyrst og fremst, en það sáust að sjálfsögðu margar fínar sóknir.
Auk Bobbu spilaði Hulda Elma  glimrandi vel bæði í vörn og sókn, en þessar tvær voru að mínu mati bestar okkar stúlkna í annars jöfnu og vel  leikandi liði. Elma skoraði flest stig Þróttar, 13 alls (9 sm., 3 hv., 1 uppg.),  Lilja 9 (6 s. 2 h. og 1 u.) og Helena einnig 9 (7 s., 1 h. og 1 u.).  Í seinustu hrinunni miðri kom svo nánast nýtt Þróttarlið inná. Á tímabili var aðeins Helena eftir af byrjunarliðinu. Það tók nýliðana smá tíma að komast í gang en svo kláruðu þeir bara leikinn með stæl. Flottur leikur hjá öllu liðinu.
       Stjarnan komst aldrei af stað með sinn besta leik, sem getur vissulega verið mjög góður. Hjá þeim voru þær Hjördís, sem er afburðagóður blakari, og Lilja bestar. Þær stöllur voru stigahæstar í sínu liði, Hjördís með 8 stig (7 s.,  1 h. , 0 u. ) og Lilja með 6 ( 5 s., 1 h. 0 u. ). Liðið í heild small bara aldrei og þá koma ekki tækifæri  góðra leikmanna, fremur en annarra, til að blómstra.
       Dómarar voru þeir Valgeir og Hlöðver og stóðu sig með ágætum

Laugardaginn 11. febrúar var haldið Austurlandsmót kvenna í blaki. Spilað var í tveimur deildum og voru 7 lið í A - deildinni og 6 lið í B - deildinni.

Strákarnir okkar tóku þátt í seinna bikarmóti BLÍ og Bridgestone um helgina á Akureyri. Framundan var keppni milli 5 liða um 2 laus sæti í undanúrslitunum. Eitt liðið mætti ekki til keppni en það var UMFG.